Tàm pang sră ies, ồng Nguyễn Thanh Nghị tơlik nùs nhơm moăt jrùng ngan tềng đăp mờ bơta sang rài bơh dùl nă cau bơyô đềt mềr, cau bơyô dờng làng bol lơgar Việt Nam dê đơs bal mờ ƀòn dờng Hồ Chí Minh đơs is. Ồng Khamtay Siphandone geh broă lơh dờng màng tàm broă bơ̆t bơtàu bơta git gơ̆p lơh bơyô bal kwơ màng, tam klăc bal kwơ màng mờ lơh broă bal tơl ală bơta đah lơgar Việt Nam mờ lơgar Lào.

Kwang đơng lam ƀòn dờng Hồ Chí Minh đơs nền rơ̆p pơn jăt tai prăp gàr, bơtàu tơnguh bơta git gơ̆p đềt mềr bè oh mi tàm dùl hìu bal đah ƀòn dờng Hồ Chí Minh mờ ală tiah tàm lơgar Lào, pơgồp bal lơh bơta git gơ̆p, lơh bơyô bal đah lơgar Việt Nam mờ lơgar Lào sùm tơlir niam, kơ̆ kơl jăp. Ala măt Thàñ ủy ƀòn dờng, Mpồl duh broă làng bol, Anih duh broă Mặt trận Dà lơgar Việt Nam ƀòn dờng Hồ Chí Minh bal mờ làng bol ƀòn dờng, ồng Nguyễn Thanh nghị pơyoa jơnau moăt jrùng uă ngan tus Đảng, Dà lơgar, làng bol lơgar Lào mờ hìu nhă ƀồc ồng Khamtay Siphandone dê, kơ̆p kờñ gờñ sơrlèt mờ ală bơta moăt dờng màng do.