Tàm nùs nhơm ki ngàm ngàn, tềng đăp Anih kah kơlôi Bơnơm Nhạn, Lam bồ Mpồl Broă dơlam is Dà lơgar ồng Phan Đình Trạc bal mờ Mpồl lơh broă, đơng lam càr Phú Yên ki ngàm kun bồ kah kơlôi ală cau khin cha jak chài chơ̆t màng neh khin cha jak chài ngan phi să tài broă lơh dong klàs jơi bơtiàn, tơrgùm dùl dà lơgar. Lam bồ Mpồl Broă dơlam is Dà lơgar ồng Phan Đình Trạc bal mờ ală cau ala măt neh pơdơng bơkàu, chu ñàng tàm Anih kah kơlôi Bơnơm Nhạn.

Tàm hìu tơrñăng geh 38 nơm jrong tơrñăng cih măt 13 rbô 85 nă cau chơ̆t màng càr Phú Yên dê mờ 4 nơm jrong tơrnăng cih măt 1 rbô nă cau chơ̆t màng tàm bàr pe càr tàm jơh gùt lơgar. Pơgăp mờ do 50 nam, bơh bơta đơng lam Đảng dê, làng bol càr Phú Yên neh ơm rềp bal, dùl nùs bal, tam lơh khin cha kơ̆ dơn, ting bơtrơh bol sò tơm dờng pràn lơgar Mỹ, lơh geh uă cồng nha bơh broă tam lơh, tơngklàs càr Phú Yên mờ wèt tus tơngklàs tiah đah Jum, tơrgùm dùl dà lơgar.