Lam bồ Mpồl Mblàng yal bơto bơtê mờ Hòi jà làng bol Dà lơgar ồng Nguyễn Trọng Nghĩa đơs sùm gơnoar broă kwơmàng bơh hìu sơnơm dê tàm broă sền gàr pràn kơldang să jan làng bol in, is ồn là mpồl kwang bàng kâp dờng. Ồng sồr đơng lam bồ hìu sơnơm sền gròi bơ̆t bơtàu mpồp cau lơh sơnơm geh nùs nhơm cíñ trị kơ̆ dơn, lơh kơnòl broă ờs mờng jak, nùs nhơm lơh krơh, lơh geh tơl làm jơnau sồr bè gĭt wă jrô gah lơh sơnơm, lơh sơnơm jak, nùs nhơm cau lơh sơnơm dê. Is ồn tàm bơta dà lơgar mŭt tàm rài pa- rài brồ să bơtàu tơngguh pas pràn, pas gơs.

Mơkung sồr hìu sơnơm pơn jăt tai bơsram kơlôi sơnơng ală gùng dà lơh broă, kơnòl broă bơtàu tơngguh lơh sa, gàr niam lơngăp lơngai rài kis mpồl bơtiàn, tơngguh uă bơta niam kham sơm kòp, ai cau kòp lơh tờm. Di dơ̆ do, Jăt bơta jàu gơnoar bơh Củ tịc lơgar dê, ồng Nguyễn Trọng Nghĩa jàu măt jờng rơ “Cau lơh sơnơm jak ngan” ai 12 nă cau in.