Do là jơnau sồr geh sồr tàm Pơrjum dơ̆ 5 Mpồl Duh broă Đảng ƀộ Anih duh broă Làng bol càr Lâm Đồng tơngai lơh broă bơh nam 2025- 2030 pa geh bơyai lơh. Tàm 6 nhai bồ nam 2026, bulah tìp mờ uă kal ke, bơta lòng mơya càr Lâm Đồng kung gam lơh geh uă cồng nha niam ngan tàm ală broă. Rề dia dà lơgar geh pơgăp 18 rbô 600 tơmàn đong, ndrờm mờ 54% kờp dŭ lài ƀòn lơgar dê. Jơh gùt càr geh rlau 2 rbô 600 mpồl lơh sa kă bro lơh sră dan tơnggơs pa mờ kờp jơh priă bơcri rlau 12 rbô tơmàn đong. Khà năc lòt nhơl tus Lâm Đồng digơlan lơh geh mờr 12 tơlak nă, gơguh 18% pơndrờm bal dùl tŭ mờ nam lài.

Ồng Hồ Văn Mười, Chủ tịch Anih duh broă Làng bol càr Lâm Đồng sồr ală mpồl anih lơh broă đảng, kwang bàng, đảng viên lơh jăt niam nùs nhơm geh kơnòl, sơlơ tam klăc, rơcăng lài, kràñ cê jơh nùs tàm tŭ lơh jăt kơnòl broă; tơrgùm lơh jăt ndrờm bal ală broă lơh bơsong nàng lơh geh jơnau kờñ gơguh tai lơh sa bàr nơm khà tàm nam 2026.