Tàm dơ̆ lam lơh, ƀòn lơgar tơlik măt 5 mpồl ơruh pơnu lơh broă dong kờl is, geh: pơlam làng bol sồ; dong kờl pờ, ngui VNeID; dong kờl lơh kăn kươk, sơnđan măt điện tử ai kơnòm bơsram in; mblàng yal drơng broă sa priă dà lơgar ătbồ tàm internet; lùp, cih dờp ală gơkòl bơh làng bol dê tàm ală tŭ ngui ală ƀươn kwơ sồ. Tơl mpồl geh bơta tus bal bơh mpồl kwang àng kâp hơđơm mờ cau tàm mpồl đoàn, ơruh pơnu.

Jăt bi Nguyễn Thành Huy Hoàng, Bí thư Chi đoàn Kwang àng sơnah ƀòn Xuân Trường – Dà Làc, broă lơh dờng geh lam lơh rơndăp tăp sèng ngan mờ ndrờm bal, lơh niam uă ngan rlau jơh cồng nha lơh broă bơh ală jơnum măy mŏk sồ mpồl bơtiàn dê jăt jơnau đơs “tus tơl hìu làng bol, pơlam tơl nă làng bol”, ngan là dong kờl cau dờng sơnam, cau lơbơn ñâm ñô, mờ ală cau tìp kal ke tàm broă ngui măy mŏk.