Broă ờ ai cau mờ rơndeh rơndồ lòt rê geh ngui gơ wèt mờ gơl bơh jơng kuèl Prenn tus tềng đap Tiah lòt nhơl ñrùh dà Datanla, gơ wèt sơnah ƀòn Xuân Hương – Dà Làc. Do là tiah neh geh tŭ gơtìp tơrlah jơh bal taluy hơ đơm mờ ta luy hơđang tàm dơ̆ mìu ờ hềt geh bơh lài tus tŭ do tàm nggùl nhai 11 nam lài. Jơnau lơh nền ơm ing lòt rê dùl bơnah kuèl Prenn nàng kờñ lam lơh broă rơndap lơh bơsong bơta ñchùn ù tàm Kơi sồ 224+650. Tàm tơngai 6 ngai, làng bol mờ rơndeh rơndồ lik mut tàm tiah tàm gùl Dà Làc geh sồr lòt hờ gùng kuèl Mimosa – Gùng dà lơgar 20 halà gơl gùng kuèl Sacom Tuyền Lâm. Lài hơ̆, càr Lâm Đồng neh yal bơta jal mhar bè trồ tiah lơh aniai gơ wèt mờ gùng kuèl Prenn. Jat broă rơndap lơh, broă lơh niam wơl ală bă tiah tơrlah gam wơl tàm kuèl Prenn rơp lơh gơs, ai rơndeh lòt rê jơh gùt gơl gùng lài mờ sa tềp bơhiàn dà lơgar nam ơseh 2026.