Lâm Đồng pồ gơnoar broă Kwang Lam bồ, Phó Kwang lam bồ 6 sờh pa
Thứ sáu, 13:54, 21/02/2025
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Drim ngai 20/02, càr Lâm Đồng neh bơyai lơh Pơrjum yal Jơnau lơh nền bơh Củ tịc Anih duh broă Làng bol càr Lâm Đồng dê bè broă pồ ală gơnoar broă đơng lam tờm 6 sờh pa bơh càr dê.
Anih duh broă Làng bol càr Lâm Đồng neh yal mờ jàu Jơnau lơh nền pồ gơnoar broă Kwang Lam bồ 6 sờh pa.
Ngan ngồn, mò Phạm Thị Tường Vân geh pồ lơh Kwang Lam bồ Sờh Broă dơlam is; ồng Nguyễn Văn Gia geh pồ lơh Kwang Lam bồ Sờh Bơt bơtàu; ồng Hoàng Sỹ Bích geh pồ lơh Kwang Lam bồ Sờh Broă lơh sa suơn sre mờ Tiah ơm kis; mò Võ Thị Hảo geh pồ lơh Kwang Lam bồ Sờh Jak chài mờ Măi mok; ồng Tôn Thiện San geh pồ lơh Kwang Lam bồ Sờh Priă jền; mờ mò Cil Bri geh pồ lơh Kwang Lam bồ Sờh Jơi bơtiàn mờ Gah pin dờn jat Yàng. Bal mờ gơnoar broă Kwang Lam bồ, Anih duh broă Làng bol càr Lâm Đồng kung neh jàu ală Jơnau lơh nền pồ gơnoar broă Phó Kwang Lam bồ bơh 6 sờh do dê ai 24 nă cau in.
Viết bình luận