Dơ̆ lam lơh geh bơyai lơh tàm tơngume broă lơh “500 ngai mang lơh pràn lơh jat broă lòt jòi, tơrgùm wơl mờ sền gĭt muh mat ƀồc ntìng cau ling chơ̆t màng”, wèt tus tơngkah kir sơnrai 80 nam Ngai Cau ling sồt să- Cau ling chơ̆t màng (27/7/2027).

Đơs đơng lam tàm dơ̆ bơyai lơh, mò Phạm Thị Thanh Trà- Phó Thủ tướng Chính phủ, Lam bồ Mpồl Sồr lơh Dà lơgar bè lòt jòi, tơrgùm wơl mờ sền gĭt muh mat ƀồc ntìng cau ling chơ̆t màng đơs sùm, broă sền gĭt muh mat cau ling chơ̆t màng là kơnòl dờng màng gơwèt mờ ală cau neh chơ̆t phi să tài lơngăp lơngai is, khat gơboh bơh Dà lơgar tờm dê. Tŭ do jơh gùt lơgar gam rlau 175 rơbô cau ling chơ̆t màng ờ hềt jòi gŏ ƀồc ntìng, rlau 300 rơbô bơtô ƀồc cau ling chơ̆t màng gam ờ tơl jơnau yal tơngĭt. Do là bơta kơlôi sơnơng dờng ngan bơh jơh bal ală anih lơh broă chính trị mờ gùt jơi bơtiàn dê. Broă lơh dờng màng do gam sồr ngan jơh gùt lơgar mơ là kơnòl broă tềng đăp kah yau, mơ là jal mhar ntoăt pơrlòng mờ tŭ tơngai. Tơnơ̆ tŭ lam lơh, ală cau ala mat sền broă lơh tơrgùm dờp mẫu sinh phẩm ADN gơwèt mờ cau pròc mhàm cau ling chơ̆t màng tàm ù tiah ƀòn dờng Hà Nội dê.