Đơs tàm dơ̆ lam lơh, Kwang lam bồ Anih bơsram mờ kơlôi sơnơng Cíñ trị dà lơgar Hồ Chí Minh ồng Nguyễn Xuân Thắng đơs loh, tơngai lài, Đảng, Dà lơgar he neh geh uă gùng dà, broă lơh, bơta dong kờl, adat boh lam nàng kờñ lơh anih sồ, lơh geh tam gơl sồ tơl làm. Kuơmàng, jơnau lơh nền tàm pơrjum sồ 57 bơh Ƀộ Cíñ trị dê neh đal git, bơtàu tơnguh jak chài, măi mok, tam gơl pa bơceh lơh mờ tam gơl sồ dà lơgar là bơta tam gơl pràn kuơmàng khà dùl, là bơta gơn kơnờm tờm ngan nàng bơtàu tơnguh mhar mpồl lơh sa tam gơl pa, lam dà lơgar bơtàu tơnguh pràn, pas sơm, pràn kơldang tàm rài pa.

Kwang lam bồ Anih bơsram mờ kơlôi sơnơng Cíñ trị dà lơgar Hồ Chí Minh ồng Nguyễn Xuân Thắng sồr, tơngai tus, ală Anih bơsram mờ kơlôi sơnơng mờ ală hìu bơsram cíñ trị tàm gùt lơgar pal lam lơh tam gơl pràn bè jak chài măi mok pa, tam gơl pa bơceh lơh mờ tam gơl sồ bơh broă lơh atbồ, đơng lam, lơh broă, tus bơto bơtê, pơlam, kơlôi sơnơng jak chài tàm jơh gùt ală Anih bơsram mờ kơlôi sơnơng mờ ală hìu bơsram cíñ trị jat gùng dà tơl làm, tơrgùm jơh ală bơta, tam gơl pa, geh tơngume tờm, geh bơta tờm nàng tam gơl sồ là bơta gơn kơnờm ai bơta bơtàu tơnguh in.