Ală càr Dăk Nông, Lâm Đồng neh geh jơnau yal cồng nha bơh broă ai pơgồp jơnau đơs bơh cau tĕ khà bè broă tơrgùm bal càr. Jăt Jơnau lơh nền tàm pơrjum sồ 759 ngai 14 nhai 4 bơh Thủ tướng Cíñ phủ dê, càr Lâm Đồng rơ̆p tơrgùm mờ càr Dăk Nông bal mờ càr Bình Thuận, ai măt sơnđan càr là Lâm Đồng; tiah tờm lơh broă sră nggal càr dê kờp dŭ geh lơh tàm ƀòn dờng Dà Làc.

Càr Lâm Đồng pa tơnơ̆ mờ tŭ tơrgùm bal geh bă ù geh is ơnàng 24 rơbô 233 kơi sồ vuông, là càr geh bă ù ơnàng ngan gùt lơgar dê, khà kờp làng bol là 3 tơlăk 324 rơbô 400 nă. Ngai 22 nhai 4, Sở Broă Dơlam is càr Lâm Đồng neh geh jơnau yal cồng nha ai jơnau đơs bơh ală cau tĕ khà ala măt hìu nhă bè broă tơrgùm mpồl lơh broă sră nggal kấp càr mờ rơndăp tăp sèngkấp sàh. Jăt mờ hơ̆, gơnoar atbồ càr neh bơyai lơh pơgồp jơnau đơs bơh rơlao 320 rơbô nă cau tĕ khà tàm càr. Cồng nha geh rơlao 97,8% cau tĕ khà ala măt hìu nhă ring bal mờ broă tơrgùm bal 3 càr Lâm Đồng, Bình Thuận, Dăk Nông. Khà cau tĕ khà ring bal broă rơndăp tăp sèng mpồl lơh broă sră nggal kấp sàh là rơlao 97,3%.