Ala măt Duh broă sùm Đảng ủy, Mpồl đơng lam Ling tiah 7, Thiếu tướng ồng Trần Vinh Ngọc, Phó Cíñ ủy Ling tiah 7 yal tus ală cau ala măt bè bơta tàm dunia, tiah do mờ tàm lơgar; ală cồng nha geh pơnrơ bè broă ling klàng, sền gàr dà lơgar, bơ̆t bơtàu Đảng ƀộ mờ mpồl ling tiah 7 tàm nam 2024, ờ uă kơnòl broă tờm tàm nam 2025.

Kwang đơng lam bồ Mpồl đơng lam ling Tiah 7 kơ̆p kờñ, tàm tơngai tus ală kwang bàng kâp dờng ling klàng neh jơh sơnam lơh broă, ơm lơh broă pơn jăt tai sền gròi, pơgồp bal uă jơnau đơs, broă lơh mờng chài uă tàm broă bơ̆t bơtàu broă gùt làng bol sền gàr dà lơgar, bơta gùt làng bol sền gàr dà lơgar, bơ̆t bơtàu Ling klàng mờ mpồl ling Tiah 7 pràn kơl dang tơl ală bơta, pơgồp bal tàm broă lơh niam kơnòl broă ling klàng sền gàr dà lơgar, bơ̆t bơtàu mờ sền gàr Dà lơgar.