Tàm dơ̆ cribơyai, ala mat ală anih lơh broă atbồ Dà lơgar, cau gĭt wă jrô broă lơh lơh sa, mpồl lơh sa kă bro mờ ală mpồl lơh broă bal neh ai tơlik uă broă lơh nàng sơlơ tơnguh tai bơtàu tơnguh broă lơh lơh sa tơlir, ngui niam ngan rlau jơh phan geh is, tơrmù nhơm ƀơ̆ tuh tơlik bơdìh, kung bè tơnguh uă bơta pràn tàm pơrlòng ai tiah lơh sa lơh broă bal in.

Phó Thủ tướng Cíñ phủ ồng Nguyễn Chí Dũng đơs sùm, broă tam gơl tơlir neh gơ gơs jơnau sồr pal geh gơwèt mờ tơl bơnah lơh sa dê. Cíñ phủ hơ rơ̆p lòt bal, lơh geh bơta gơn kơnờm pràn ngan bơh ală gùng dà broă lơh nàng tiah lơh sa lơh broă bal in brồ guh, bơtàu tơnguh jat gùng dà pa mờ geh cồng nha. Phó Thủ tướng sồr tàm tơngai tus, ală Ƀộ, gah broă mờ gơnoar atbồ ƀòn lơgar lam lơh geh cồng nha ală gùng dà broă lơh, tàm hơ̆ geh Jơnau lơh nền tàm pơrjum sồ 57 nàng kờñ lơh geh bơta tam gơl pràn bè tam gơl sồ, ngui jak chài măi mok tàm broă lơh bơh ală Mpồl lơh broă bal dê.