Lơh jat Jơnau lơh nền tàm pơrjum sồ 60, ngai 12/4/2025 bơh pơrjum dơ̆ 11 Mpồl Duh broă Đảng Dà lơgar khoă 13, 3 càr Lâm Đồng, Dăk Nông mờ Bình Thuận tơmŭt bal gơ gơs 1 mpồl lơh broă sră nggal gơnoar atbồ kâps càr mờ ai mat sơnđan là càr Lâm Đồng, anih tờm cíñ trị - sră nggal gơnoar atbồ lơh tàm càr Lâm Đồng tŭ do.

Nàng gờñ lơh sir ală broă lơh rơndăp mpồl lơh broă, gàr niam dồ ròt bal, lơh broă geh cồng nha mờ tềm pềr priă jền sră nggal gơnoar atbồ, Anih duh broă Làng bol càr Lâm Đồng sồr ală sờh, mpồl, gah broă bơh càr dê đơng lam, pơgồp bal mờ ală mpồl lơh broă ndrờm bal mờ 2 càr Bình Thuận mờ Dăk Nông dê nàng lơh Ală jơnau neh lơh nền tơmŭt bal. Ală jơnau neh lơh nền gàr niam tŭ tơngai lơh jat broă rơndăp lơh bơh càr, lơh sir mờ pơyoa Sờh Broă dơlam is càr Lâm Đồng sền sơwì, tơrgùm wơl lài mờ ngai 22/04 do. Tơnơ̆ tŭ tơmŭt bal 3 càr Lâm Đồng, Bình Thuận mờ Dăk Nông, càr pa Lâm Đồng kờp jơh geh bă ù ơnàng 24 rơbô 233 kơi sồ vuông, khà kờp làng bol mờr 3 tơlak 300 rơbô nă cau.