Jơnau yal tàm dơ̆ lơh broă ai gŏ, Dăk Lăk gam gơtìp ală kal ke tàm broă rơndap, tam pà mờ ai priă bơcri ai ală broă lơh jơnau kờñ dà lơgar in. Bàr pe broă lơh lam lơh lơyài tài gơ kòl tŭ mờ tơngai do, dà lơgar kung gam ờ hềt jàu priă bơcri mờ kờp dŭ priă tă lơh broă lơh nam 2025 ai càr in. 

Tàm dơ̆ lơh broă, ală cau ala mat kung dan ală tơngume gơ rềng tus gah lơh broă suơn sre mờ tiah ơm kis bè broă atbồ, ngui ù lơh broă suơn sre, anih dờng lơh suơn sre; bơta ờ niam đah jơnau cih bơh Adat Broă brê bơnơm, Adat ù tiah dê bè ơpah brê, lơh nền giă brê… Broă lam lơh sră pơ àr ring bal jơnau lơh nền bơcri priă, tơn jơh sră pơrgon lam lơh rơndap broă lơh lơh hìu ơm; broă lơh ai càn priă gơ wèt mờ hìu bơnhă pa jơh rƀah, hìu bơnhă ndrờm bè cau rƀah càn dong kờl bè ù ơm, hìu ơm, ù lơh sa, tam gơl broă lơh.