Dan mờ Mpồl cau ala măt Quốk hội càr Kon Tum, cau tĕ khà ƀòn dờng Kon Tum kơ̆p kờñ bơsong di pal bơta gơkòl broă bè ù tiah, tàm hơ̆ uă ngan là broă pơgăp mờ do 25 nam, làng bol tă priă blơi 46 bă ù tàm sàh Vinh Quang, geh Anih duh broă làng bol sàh ai.

Hơ jơnau bơh cau tĕ khà, ồng Dương Anh Hùng, Phó CT Anih duh broă làng bol ƀòn dờng Kon Tum pà git, broă Anih duh broă làng bol sàh Vinh Quang ai 46 bă ù tàm kơi sồ 7-Gùng 14 ală hìu làng bol in mờ tă priă, đah lùp sền càr Kon Tum neh geh jơnau đơs pơn dŭt là ờ di mờ gơnoar broă. Ồng Phạm Đình Thanh, Phó kwang lam bồ mpồl cau ala măt Quốk hội càr Kon Tum pà git, nhai 5 nam 2024 Mpồl cau ala măt Quốk hội càr Kon Tum neh dờp jơnau đơs do mờ geh sră nggal pơyoa tus Anih duh broă làng bol càr Kon Tum nàng dan geh tus sền mờ bơsong.