Mpồl dong kờl cau gơtìp rềs àr lơgar Việt Nam dê jàu 30 tấn phan bơna dong kờl lơgar Myanmar lài mờ tŭ rê hờ lơgar
Thứ tư, 14:54, 09/04/2025
Cau mblàng: Lơ Mu K'Yến/ VOV
Cau mblàng: Lơ Mu K'Yến/ VOV
VOV4.K’Ho- Mho ngai 08/04, lài mờ tŭ rê hờ lơgar, Mpồl lơh broă dong kờl cau gơtìp rềs àr dong kờl rềs àr gơ wèt Ƀộ Kwang àng lơgar Việt Nam neh jàu 30 tấn măy mŏk phan bơna lơh sơnơm, phan ngui kờñ pal geh nàng kờñ dong kờl lơgar bơyô Myanmar bơsong jơnau rềs àr gơ aniai tài bơh tơrluh ù.
Tàm 10 ngai lơh kơnòl broă tàm lơgar Myanmar, Mpồl neh tus dong kờl tơn 7 nă cau gơtìp gơkòl tàm gơnruh tơrlơm lề. Mơkung pơgồp bal mờ mpồl dong kờl rềs àr bơh ală lơgar dê dong klàs tai geh 7 nă cau gơtìp aniai ndai.
Mpồl neh kham sơm kòp, dong kờl bơh sơnrờp, pà sơnơm ai rlau 50 nă cau gơtìp aniai sồt să in; lơh 2 nơm sàl lơh tiah ơm ing ai cau gơtìp aniai roh hìu đam in; ƀồm sơnơm lơh kloh khuẩn ai uă tiah làng bol ơm kis in. Bal mờ hơ̆, mpồl kung neh lam lơh geh cồng nha uă broă lơh hòi jà làng bol, tàm pà bal, dong kờl bal priă jền ai 6 hìu bơnhă gơtìp aniai chơ̆t să in.
Viết bình luận