Mpồl Đơng lam Đảng dà lơgar ring bal ai ồng Phạm Ngọc Nghị in lời ăt gơnoar broă Củ tịc Anih duh broă Làng bol càr Dăk Lăk
Thứ ba, 14:11, 15/04/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Ngai 14/04, tàm Pơrjum mìng dùl tơnggume dơ̆ 114, Mpồl Lơh kơnòl broă sùm Tỉñ ủy càr Dăk Lăk neh yal jơnau lơh nền bơh Mpồl Đơng lam Đảng Dà lơgar dê bè broă ai ồng Phạm Ngọc Nghị - Củ tịc Anih duh broă Làng bol càr Dăk Lăk – rê rlô lơh broă lài mờ sơnam ai rê rlô.
Jăt hơ̆, ồng Phạm Ngọc Nghị lời mŭt bal Mpồl Duh broă càr, Mpồl Lơh kơnòl broă sùm Tỉñ ủy càr, lời ăt gơnoar broă Phó Ƀí thư Tỉñ ủy càr mờ ală gơnoar broă gơrềng bal. Ală bơta dong kờl, broă dong kờl geh lơh jăt jơnau cih bơh adăt boh lam gam geh ngui tŭ do dê. Lài hơ̆, ồng Nghị neh geh sră dan rê rlô lơh broă lài mờ sơnam ai rê rlô.
Bồ nhai 4 pa do, ồng Nghị gơtìp Anih duh broă Sền swì Dà lơgar lơh glài mờ broă lơh yal tơngkah tài lơh tìs jơnau cih Đảng dê mờ kơrnoăt boh lam Dà lơgar dê, lơh gơbàn jơnau gơlời wơl kơn jơ̆ ngan, lơh gơmù bơngă mpồl dê. Lồi nam 2024, ồng kung gơtìp Thủ tướng lơh glài đơs lah tài bơh geh bơta ờ hềt wil tơl tàm broă lơh.
Viết bình luận