Rlau 3 rbô 100 nă cau dồ nă să mờ 1 rbô 600 mpồl bal tàm mpồl geh ală kâp jờng rơ ai gŏ bơta gơ rề làm uă mờ geh cồng nha bơh dơ̆ lam sồr dê. 10 nam do, mpồl phàu crong càr Dăk Lăk neh lơh gơlik ală tam gơl kuơmàng ngan bơh “Git wă” tus “Lơh jat” bồ tơngoh, nùs nhơm, rài kis Wa Hồ.

Tŭ lam lơh neh geh uă broă lơh niam geh lam lơh uă tàm ală anih lơh broă, mpồl lơh broă bè: Broă lơh pờ tơlik jơnau đơs “Pah ngai dùl jơnau Wa Hồ bơto sồr”, broă lơh “Đơs dồ êt, cih lơyah, tă pơgồp jơnau đơs di, pơlam uă, jat sền di, cồng nha niam”; ală srơh “Dơ̆ 7 lơh broă dong kờl is”, “Ngai rlô tơlir”, “Di ngan mat sơnđan cau ling Wa Hồ tŭ tơngai pa”… Di dơ̆ do, Đảng ủy – Gah đơng lam ling klàng càr Dăk Lăk neh jờng rơ 35 mpồl bal mờ cau dồ nă să geh pơn rơ jak tàm bơsram mờ lơh jat bồ tơngoh, nùs nhơm, rài kis Hồ Chí Minh tơngai bơh nam 2016 tus nam 2025.