Mpồl lơh kơnòl broă sùm Tỉñ ủy càr Quảng Ngãi mờ Kon Tum pơrjum jat tơngai pơrgon dơ̆ 2 bè broă tơrgùm dùl 2 càr
Thứ ba, 09:31, 13/05/2025
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV4.k'hO - Tàm càr Quảng Ngãi, Mpồl lơh kơnòl broă Tỉñ ủy càr Quảng Ngãi mờ Mpồl lơh kơnòl broă sùm Tỉñ ủy càr Kon Tum bơyai lơh dơ̆ lơh broă dơ̆ 2 ai jơnau đơs bè bàr pe tơngume gơ rềng tus broă tơrgùm dùl 2 càr, ai jơnau đơs bè Jơnau rơcang cih ală sră nggal yal pơrjum dờng cau ala mat Đảng ƀộ càr Quảng Ngãi (pa) tơngai lơh broă bơh nam 2025 tus nam 2030.
Tàm dơ̆ lơh broă, Mpồl lơh kơnòl broă sùm Tỉñ ủy 2 càr cribơyai, ai jơnau đơs gơ wèt mờ jơnau rơcang cih ală sră nggal yal pơrjum dờng cau ala mat Đảng ƀộ càr Quảng Ngãi (pa) tơngai lơh broă bơh nam 2025 tus nam 2030; cribơyai bè broă rơndap lơh rơndap tap sèng, rơndap hìu ơm ai kwang bàng, kông cứk, cau lơh broă in tơnơ̆ tŭ tơmut bal càr Quảng Ngãi mờ càr Kon Tum.
Tơngai lơh broă tus, càr Quảng Ngãi pa rơp lơh ngan geh khà gơguh kờp jơh phan lơh gơs tàm càr (GRDP) kờp bal tơngai bơh nam 2026 tus nam 2030 bơh 10% dùl nam rlau hơđang; tus nam 2030, GRDP kờp bal dùl nă cau geh bơh 7 rbô 100 tus 7 rbô 200 dolar Mỹ.
Viết bình luận