Đơs pơndŭt pơrjum, Tổng Ƀí thư ồng Tô Lâm jờng rơ uă ngan Mpồl Rơndăp broă Dà lơgar, ală anih lơh broă, mpồl lơh broă geh gơrềng neh pơnđơl pràn, lơh ngan sơr lèt uă nàng lơh sir mpồl broă lơh dờng ngan, geh cồng nha ngan mờ broă lơh pa, kràñ cê jơh nùs, di mờ gùng dà pơlam mờ tàm pơdờn geh ală cồng nha lam lơh Jơnau lơh nền tàm pơrjum sồ 18 dê.

Pơn rơ ngan là ală anih lơh broă, mpồl Đảng Dà lơgar, Cíñ phủ, Quôk hội mờ ală mpồl Cíñ trị- mpồl bơtiàn tàm Dà lơgar neh lòt lài lơh krơh niam, mhar lam lơh kờp sền, lơh sir gơnoar broă, kơnòl broă, rơndăp tăp sèng tiah lơh broă bơh sơn rờp tàm dơlam, lơh sir ală kơnòl broă sơrlèt tŭ tơngai geh sồr. Tổng Ƀí thư ồng Tô Lâm sồr tàm tơngai tus pơn jat tai sền gĭt broă rơndăp tăp sèng, tơrmù mpồl lơh broă ờ mìng lơh dùl dơ̆, cồng nha lơh geh pa do kwơ màng ngan mơya hơ̆ mìng là bơh sơnrờp lơm, pal pơn jat tai kơlôi sơnơng, lơh sir nàng mpồl lơh broă in kơ̆ kơl jăp, lơh jat geh cồng nha, tơnguh uă gơtùi lơh broă.