Mờ broă tus bal pràn bơh ală kấp, ală gah lơh broă, tàm hơ̆ uă ngan là gơnoar tờm bơh mpồl Kwang àng, broă lơh gùt làng bol sền gàr lơngăp lơngai Dà lơgar tàm càr Dăk Nông neh geh ală tam gơl niam, hòi jà geh gal làng bol tus bal mờ uă tơngu me, broă lơh, bơ̆t bơtàu, lơh geh uă broă tơrlòng lơh geh cồng nha jăt gùng dà broă lơh rơcang lài is, atbồ is, sền gàr is tàm ƀòn lơgar.

Nàng broă lơh do ngai sơlơ geh mùl màl, lơh geh cồng nha, Thứ trưởng Ƀộ Kwang àng ồng Lê Văn Tuyến sồr kấp ủy, gơnoar atbồ, Mặt trận Dà lơgar, ală mpồl lơh broă cíñ trị, mpồl bơtiàn, ală hìu bơsram bơh càr tus ală sàh mờ gal làng bol pơn jăt tai tơnguh uă jơnau git wă bè gơnoar, bơngă, bơta kwơ màng bơh broă lơh gùt làng bol sền gàr lơngăp lơngai Dà lơgar; tơrgùm bơ̆t bơtàu bơta pràn lơngăp lơngai làng bol, bơta pràn nùs nhơm làng bol pơgồp bal nền nòn mờ bơta pràn sền gàr dà lơgar gùt làng bol kơ̆ kơl jăp tàm ƀòn lơgar.