Tàm broă lơh, 1 rbô nă cau lơh phan geh kham kòp, pơlam sền gàr pràn kơldang mờ pà sơnơm ờ sa priă; mờ kung geh dong kờl pơlam jòi broă lơh, yal jơnau tơnggit sồ điện thoại să tờm dê bal mờ ală broă lơh tàp pràn să jan, niam chài, đơs crih tamya.

Đơs tàm ngai chờ, ồng Nguyễn Kim Quy, Phó Chủ tịch Duh broă sùm Mpồl tam klac Ơruh pơnu Dà lơgar Việt Nam đơs sùm, ală kâp bộ Đoàn, Mpồl tàm tơngai lài neh lam lơh uă broă lơh lòt bal, tơnguh niam rài kis phan bơna, nùs nhơm mờ bơta chài lơh broă ai ơruh pơnu cau lơh phan in. Di dơ̆ do, Mpồl Tam klac ơruh pơnu dà lơgar jàu 20 bơnah phan pà ai ơruh pơnu cau lơh phan kal ke in; Tỉnh đoàn, Mpồl tam klac Ơruh pơnu Việt Nam càr Gia Lai mờ Mpồl cau kă bro kơnòm să càr jàu tai 100 bơnah phan dong kờl cau lơh broă tàm càr.