Ồng Hồ Quốc Dũng, Phó Thủ tướng sồr Pơnđơl tàm nam 2026 geh phan bơna măy mŏk kwơmàng loh làng
Thứ sáu, 14:45, 05/06/2026
Cau mblàng mờ sền: Lơ Mu K’Yến/ VOV1
Cau mblàng mờ sền: Lơ Mu K’Yến/ VOV1
VOV.K'Ho- Ngai 4/6, tàm hìu duh broă Chính phủ dê, ồng Hồ Quốc Dũng, Phó Thủ tướng đơng lam dar pơrjum dơ̆ sơnrờp Jơnum lơh broă Cíñ phủ dê bè bơtàu tơngguh măy mŏk kwơmàng mờ lam lơh kơnòl broă bơtàu tơngguh măy mŏk kwơmàng jăt Jơnau lơh nền bơh Thủ tướng Chính phủ dê bè jàu kơnòl broă bơtàu tơngguh măy mŏk kwơmàng.
Đơs pơndŭt dơ̆ pơrjum, ồng Hồ Quốc Dũng, Phó Thủ tướng đơs sùm măy mŏk kwơmàng là dùl tàm ală bơta pràn dong gơguh tai mờ gàr gơnoar broă tờm tàm pe broă tờm: Jak chài măy mŏk, tam gơl pa bơceh lơh mờ tam gơl sồ.
Nàng lơh mhar tơngai pơrgon lơh, Phó Thủ tướng sồr tàm nhai 6 do pal lơh sir Jơnau lơh nền tàm pơrjum Chính phủ dê pơlam lơh jăt Adăt Măy mŏk pa, tàm hơ̆ geh ală tơngume geh gơrềng tus măy mŏk kwơmàng; mơkung kơlôi sơnơng, dan gùng dà đal gŏ, pà gĭt mờ lir măt phan bơna măy mŏk kwơmàng. Ală bộ, gah pal rơcăng lài ai cau lơh broă, bơta pràn nàng lơh jăt mơ tơn ală kơnòl broă geh jàu, pơnđơl geh phan bơna loh làng tàm nam 2026 do.
Viết bình luận