Pơrjum kâp dờng dơ̆ do geh kuơ dờng màng ngan nàng kờñ chồl tơnguh git gơp Lơgar lơh broă bal jŏ jòng ASEAN - Nga, gàr kơ̆ jơnau hơ pơrgon chính trị, lơh pa bơta gơn kơnờm lơh broă bal mờ git nền gùng dà kuơmàng ai bơta git gơp đah ASEAN mờ Nga in tàm tŭ tơngai pa tàm jơh bal 3 gah tờm là Chính trị - lơngap lơngai, lơh sa mờ niam chài - mpồl bơtiàn. 

Di dơ̆ lòt pơrjum, ồng Lê Minh Hưng kờp dŭ geh ală dơ̆ tìp mat kâp dờng, lơh broă mờ đơng lam ală ƀang Nga mờ Cộng hoà Tatarstan; đơs nền Việt Nam sùm sền dờng màng bơta git gơp lơh bơyô ờs mờng, lơh broă bal jŏ jòng tơl làm mờ Nga mờ kơp kờñ gàr sùm, gàr kơ̆ lơh broă bal tàm ală gah tài bơta kuơ bal bơh 2 jơi bơtiàn dê, tă pơgồp uă ngan ai ring lơngai, kơ̆ kơljap, lơh broă bal mờ bơtàu tơnguh tàm tiah do mờ tàm dunia.