Mờ tơngu me “Git gơ̆p Tam klăc bal Ờ geh nhàr lơgar”, Anih cribơyai geh bal poan dar cribơyai bè ală tơngume Lơh broă bal Măi mok yal tơngit mờ Ngăc ngar kòn bơnus lơh gơs gan nhàr lơgar: Măi mok priă jền mờ ƀòn dờng ngăc ngar; Kă bro phan ală lơgar: Gàr tơl phan sa, phan bơna mờ lơh sa mờ măi mok; mờ ală broă tơrlòng lơh git gơ̆p dà lơgar – gah jăt yàng tàm lơgar Nga mờ mpồl ASEAN.

Tàm jơnau đơs sơn đờm Pơrjum bơyai, ồng Lê Minh Hưng, Thủ tướng Chính phủ neh đơs tus 3 gùng dà broă lơh bal tờm tàm tơngai tus. Thủ tướng sồr mpồl ASEAN mờ lơgar Nga pal lơh pràn ală broă lơh broă bal tam gơl pa, dong kờl mpồl lơh sa kă bro lơh broă mờ măi mok mờ mpồl lơh sa kă bro kơnòm să, lơh gơs bơta niam tam gơl pa bơceh lơh ñhăp ñhar, tơrbŏ bal nền nòn mpồl bơtiàn lơh sa kă bro bàr gah dê. Thủ tướng đơs nền, lơgar Việt Nam tŭ lơi kung rơcang lài lơh gơnoar broă tơrbŏ bal, pơgồp bal tàm broă lơh pràn lơh broă bal kă bro phan mờ bơcri đah mpồl ASEAN mờ lơgar Nga, bơh tŭ hơ̆ lơh gơs bơta geh gơs rơndăp broă lơh mùl màl, lơh broă tơrbŏ bal gơs dơ̆ niam kă bro, mờ lơh nùs nhơm pin dờn gơs bơta pràn gơguh lơh sa pa.