Jờng rơ càr Phú Thọ geh Ală jơnau lơh nền bè chồl tơnguh gơguh tai 2 nơm khà, Thủ tướng sồr càr Phú Thọ pơn jat tai pơn đơl lơh geh, lơh ngan uă, geh broă kơlôi sơnơng pa, broă lơh pa nàng lơh geh jơnau kờñ gơguh tai 11% rlau hơđang. 

Thủ tướng sồr càr Phú Thọ rơcang wil tơl ală bơta pal geh nàng dờp, tam pà mờ lam lơh mơ ală broă lơh jơnau kờñ dà lơgar tơngai bơh nam 2026 tus nam 2030 tơnơ̆ tŭ geh Dà lơgar jàu priă bơcri; bơt bơtàu broă rơndap lơh bơcri priă dà lơgar dimơ tơngai, bơh nam 2026 tus nam 2030 lơh jat jơnau sồr kờp dŭ lơh sa mpồl bơtiàn, sền swì cồng nha bơcri priă lài mờ tŭ tam pà priă bơcri. Thủ tướng sồr Tỉnh ủy càr Phú Thọ sền gròi tus broă lơh bơt bơtàu Đảng mờ bơt bơtàu anih lơh broă chính trị càr tam klac, ring bal, sàng goh, kơ̆ kơljap, pràn kơldang, drơng làng bol, mpồl lơh sa kă bro in.