Tàm dơ̆ tìp mat, Thủ tướng đơs loh, tàm tơngume dơ̆ lòt còp ngan ngồn lơgar Nga mờ tus bal Dơ̆ tơngkah kir sơnrai 80 nam Ngai Tam lơh pha lin tàm Rài tam lơh Sền gàr Dà lơgar dờng màng bơh ồng Tô Lâm- Tổng Ƀí thư (nhai 5 nam 2025), đơng lam bồ kấp dờng ngan rlau jơh bơh 2 lơgar neh lơh geh bơta gĭt wă bal mờ jơh nùs lơh ngan tơnguh gơnoar broă tơl làm lơh broă bal đah 2 gah geh kwơ bal tàm tơl gah broă, di pal mờ ală jơnau sồr bơh rài bơtàu tơnguh pa dê.

Thủ tướng pin dờn là tàm tơngai tus, lơgar Kộng hòa Tatarstan rơ̆p jòi geh ƀòn lơgar Việt Nam di pal nàng lơh geh bơta gĭt gơ̆p, jòi tŭ tơngai niam lơh broă bal tàm ală gah mờ 2 gah digơlan geh bơta pràn mờ jơnau kờñ bè lơh sa- kă bro phan, bơto bơtê mờ bơsram, lòt nhơl, niam chài. Mơkung pơn jờng ală kông ty rơndeh par 2 lơgar sền gròi bơtàu tơnguh tai gùng par kă bro phan tàm tơrbŏ bal đah Kazan mờ Hà Nội.