Ƀlàng tơ̆p ƀồc cau ling chơ̆t màng Vị Xuyên là anih ơm rơlô bĭc bơh 1 rơbô 972 nă cau ling chơ̆t màng mờ 2 bơtô ƀồc tơ̆p bal.

Tềng đăp Jơnang rùp Dà lơgar dờp, ala măt kwang đơng lam Đảng mờ Dà lơgar, ồng Lê Minh Hưng, Thủ tướng Chính phủ bal mờ ală cau ala măt neh jơh nùs pơdơng bơkào, chu nàng, mờ lời dùl phút kun bồ nàng kah kơlôi mờ tơlik nùs nhơm git ưn ngài uă ngan tềng đăp mờ broă lơh dờng màng bơh ală Cau khin cha Jăk chài chơ̆t màng dê neh phi să tai bơta lơngăp lơngai is, khăt gơboh is Dà lơgar in. Tàm dơ̆ tam lơh sền gàr tiah nhàr lơgar đah Tô dà lơgar dê, tàm Tiah tam lơh Vị Xuyên, mờ nùs nhơm kơ̆ dơn pràn kơl dang “Kis jăt lŭ tam lơh mờ ling sò tơm, chơ̆t gơs lŭ kis sùm” ling klàng mờ làng bol he neh khin cha jăk chài tam lơh, phi să nàng sền gàr tơl nđàm ù Dà lơgar dê.