Ồng Lê Minh Hưng, Thủ tướng Chính Phủ đơs nền lơgar Việt Nam sền kwơ bơta git gơ̆p lơh bơyô bal ờs mờng mờ Tam klăc bal tơl ală bơta mờ lơgar Chile.

Thủ tướng sồr bàr gah pơn jăt tai lơh pràn broă tam gơl mpồl ală kấp, lơh geh cồng nha ală kơrnoăt lơh broă bal, ai tơl bơta niam nàng phan kă bro geh bơta pràn tìp mờ drà kă bro bal đah bàr lơgar dê; tơnguh lơh broă bal priă jền – anih priă jền, bơta chài – măi mok, sền gàr dà lơgar – lơngăp lơngai. Mờ lơh pràn broă tơrbŏ bal pơn diang phan, tơl phan geh kwơ mờ mpồl ai phan, tơnguh gơnoar bơh mpồng tơrbŏ bal tiah Đah jum măt tơngai lik châu Á mờ Mỹ Latinh dê. Ồng Francisco Pérez Mackenna đơs nền lơgar Chile sền lơgar Việt Nam là lơgar lơh broă bal kwơ màng lài ngan tàm tiah Đah jum măt tơngai lik châu Á dê, kơ̆p kờñ tơnguh lơh broă bal bè kă bro phan, bơcri priă, lơh sa suơn sre, lơh phan kwơ geh is, tam gơl năng lượng mờ bơta chài - măi mok.