Tàm dơ̆ wă, Thủ tướng ai tơnggŏ bơta chờ hờp tềng đap ală bơta bơtàu tơnguh niam ngan tàm bơta git gơp đah Việt Nam mờ Angola tàm tơngai lài, mờ kung sồr 2 lơgar pơn jat tai sơlơ tàm cribơyai mpồl kwang bàng kâp dờng, rề ơnàng lơh broă bal đah ală bộ, gah broă lơh dà lơgar, kâp hơ đơm; tam pà bal mờng chài bơtàu tơnguh, pơgồp bal jơh nùs mờ tàm dong kờl gơp tàm ală anih cribơyai uă lơgar. Thủ tướng sồr Chính phủ Angola pơn jat tai lơh gơlik bơta ƀuơn nàng ală mpồl lơh sa kă bro Việt Nam in, is ồn là Tập đoàn lơh sa mờ măi mok - năng lượng Dà lơgar Việt Nam, rề ơnàng broă lơh bơcri priă, kă bro tàm Angola. Bàr gah ring bal lam lơh tàm bơyai, gờñ lơh sir mờ kĭ ală sră nggal lơh broă bal kuơmàng tàm gah kă bro phan, bơcri priă.