Chờ gờm mò Jennifer Wicks geh pồ lơh Kwang atbồ Anih lơh broă ala măt lơgar Mỹ tàm lơgar Việt Nam, Thủ tướng pơyoa jơnau còp să tus ồng Donald Trum, Kwang atbồ lơgar Mỹ mờ chờ gờm Chính phủ, làng bol lơgar Mỹ di tơnkah 250 nam Sơn tờm Dà lơgar.

Thủ tướng đơs nền lơgar Việt Nam lài kung bè tơnơ̆ sền lơgar Mỹ là dùl tàm ală lơgar lơh broă bal kwơ màng lài ngan; kờñ lơgar Mỹ lơh gơnoar broă niam ai bơta ring lơngai, kơ̆ kơl jăp mờ pas gơs tàm tiah do mờ tàm dunia. Thủ tướng đơs là bàr gah pal lơh pràn lơh broă bal lơh sa, kă bro jăt gùng dà broă lơh ring bal, kơl jăp, geh kwơ bal; mhar bơsong ală gơkòl mờ gờñ lơh gơs dar cri bơyai, kĭ hơ bal Kơrnoăt kă bro ndrờm bal mờ ring bal, ai geh bơta kơ̆ kơl jăp nàng mpồl lơh sa kă bro bàr lơgar rề ơnàng bơcri priă lơh sa, kă bro.

Mò Jennijer Wicks là git, lơgar Mỹ sền kwơ bơta git gơ̆p mờ lơgar Việt Nam; mờ jơnau “pơnyờ să là lơgar lơh broă bal bơh lơgar Việt Nam dê” bal mờ jơnau ưn ngài bơh ồng Donald Trump, Kwang atbồ lơgar mờ ồng Marco Rubio, Kwang atbồ Cri bơyai broă lơh bal mờ lơgar ndai lơgar Mỹ dê tus Kwang đơng lam bồ kấp dờng lơgar Việt Nam tơnơ̆ mờ ală jơnau chờ gờm di tơnkah 250 nam Sơn tờm Dà lơgar Mỹ dê. Mò Jennifer Wicks kơ̆p kờñ bàr gah geh sùm broă tam gơl bal niam nàng gờñ geh dùl jơnau ring bal kă bro geh bơta niam uă, geh nùs nhơm ndrờm bal, ring bal, bơh tŭ hơ̆ ai tai bơta niam lơh sa, bơcri priă ai jơh bàr lơgar in.