Tàm dơ̆ tìp măt cri bơyai, ồng Lê Tiến Châu, Phó Thủ tướng neh đơs nền lơgar Việt Nam sùm sền lơgar Nhật Bản là dùl tàm ală lơgar lơh broă bal kwơ màng lài ngan, là cau bơyô song dơ pă, pin dờn, lơh broă bal tàm rài bơtàu tơnguh pa.

Phó Thủ tướng sồr bàr lơgar pơn jăt tai tơnguh nùs nhơm pin dờn chính trị, geh sùm broă cri bơyai tìp bal kấp dờng, tơnguh gơnoar bơh ală anih lơh adăt boh lam nàng ai geh bơta ƀuơn tàm broă lơh geh cồng nha ală jơnau ring bal kấp dờng neh lơh geh, kung bè ai geh bơta ƀuơn niam adăt boh lam nàng lơh pràn ală broă lơh broă bal lơh sa đah bàr lơgar. Mờ lơh pràn lơh broă bal lòt nhơl, tìp bal làng bol đah bàr lơgar mờ broă lơgar Nhật Bản pơn jăt tai ai bơta ƀuơn mpồl bơtiàn mờr 700 rơbô nă cau lơgar Việt Nam gam lơh broă mờ bơsram sră tàm lơgar Nhật Bản in.