Tàm dơ̆ wă mờ lơh broă mờ Kwang ătbồ Anih lơh broă ala măt lơgar Cuba tàm Việt Nam, ồng Rogelio Polanco Fuentes, Kwang Lam bồ Anih kơlôi sơnơng mờ bơsram Cíñ trị dà lơgar Hồ Chí Minh ồng Nguyễn Xuân Thắng đơs nền, Anih kơlôi sơnơng mờ bơsram do sùm sền dờng màng mờ kơ̆p kờñ chồl tơngguh rlau tai gĭt gơ̆p lơh broă bal mờ ală cau tam klăc lơh broă bal lơgar Cuba dê, pơgồp bơnah lơh kơ̆ kơl jăp bơta gĭt gơ̆p tam klăc, lơh bơyô ờs mờng bơh yau đah bàr lơgar.

Bàr đah cribơyai bè ală tơnggume lơh broă bal đah Anih kơlôi sơnơng mờ bơsram Cíñ trị dà lơgar Hồ Chí Minh mờ ală cau tam klăc lơh broă bal lơgar Cuba dê tàm tơngai lài, bè: tơngguh tai broă lơh bơto bơtê, tề lam kwang bàng, ngan là kwang bàng đơng lam bồ, ătbồ kwơmàng; lơh broă bal tàm kơlôi sơnơng cribơyai jơnau tàm sră pơ àr mờ ală broă tàm rài kis mùl màl mờ 2 đah sền gròi bal; sơlơ tam pà bal mờng chài bè broă lơh sền gàr bơta tờm bồ tơngoh Đảng dê, mờ Broă lơh Hìu bơsram Cíñ trị.