Mho ngai 4/6, ồng Phạm Gia Túc- Phó Thủ tướng Duh broă sùm Chính phủ neh tus bal mờ geh jơnau đơs tàm Dar sơn đờm mut lơh Anih cribơyai. Mờ tơngume “Tìp mat tơm bơh bơr ngan ngồn- Gùng lòt wèt tus rài tơnơ̆ do”, Anih cribơyai geh 150 dar cribơyai mìng dùl tơngume, tơrgùm tàm ală broă dờng bè lơh sa gùt plai ù đah tam dră bồ mờ lơh broă bal; rơndăp tăp sèng wơl lơh sa lơgar Nga nàng rê wơl gùng lòt gơguh tai; ală măi mok sền gĭt rài tơnơ̆ do; mpồl bơtiàn tàm rài măi mok pa; cồng nha mờ ală broă lơh bơtàu tơnguh pa.

Đơs tàm dar sơnđờm mut dar Anih cribơyai, ồng Phạm Gia Túc- Phó Thủ tướng Duh broă sùm Chính phủ jờng rơ uă ngan broă ală dar cribơyai tơrgùm tàm ală broă cèng bơta gơlik geh pah ngai mờ broă lơh kwơ màng bè tam gơl broă lơh gơguh tai, tam gơl sồ, bồ tơngoh jak kòn bơnus lơh gơlik, lơngăp lơngai lơh sa, gơnoar bơh ală rài lơh sa pa pơn rơ mờ bơtàu tơnguh tơrgùm bal.