Di tơnkah 78 nam Ngai Chủ tịc Hồ Chí Minh tơlik jơnau Hòi jà pơrlòng kờñ gơboh dà lơgar (11/6), drim òr (10/06) tàm Gơlang lơh broă Chủ tịch, Ồng Tô Lâm, Tổng Bí thư, Chủ tịch lơgar tìp măt đềt mềr mờ 100 nă cau ala măt bơh broă lơh “Broă lơh niam” geh Anih sơnio rùp Việt Nam lơh.

Ală cau ala măt tus bơh uă ù tiah, mpồl sơnam, gah broă lơh bal mờ rài kis krơi is, mơya ndrờm geh bal nùs nhơm kis dong kờl bal, tam pà bal, tŭ lơi kung rơcang dong kờl mpồl bơtiàn. Ala măt kwang đơng lam Đảng, Dà lơgar, Ồng Tô Lâm, Tổng Bí thư, Chủ tịch lơgar jờng rơ ală broă lơh niam, ai tơngŏ do là ală bơta kwơ kòn bơnus dê uă ngan, pơgồp bal tàm broă lơh geh uă bơhiàn ờs mờng niam bơnĕ bơh jơi bơtiàn dê. Mờ sồr ală bộ, gah lơh broă, ală càr ƀòn dờng pơn jăt tai tam gơl pa broă pơrlòng kờñ gơboh dà lơgar jăt broă lơh mùl màl, geh cồng nha, pơgồp bal mờ kơnòl broă bơtàu tơnguh dà lơgar bal mờ drơng Làng bol in; tơnguh uă bơta niam broă drơng lơh, drơng gàr rài kis làng bol mờ di tŭ bơsong ală kal ke, gơkòl tàm ƀòn lơgar.