Tàm do, ồng Tô Lâm - Tổng Bí thư, Chủ tịch lơgar pà git, bal mờ broă sền gròi, lam lơh gùng dà broă lơh dong kờl gơ wèt mờ ală cau pròc mhàm tờm cau chơt màng, ală cau ling sồt să, cau ling kòp tê jê să, cau ling yau, ală cau tă pơgồp ai broă lơh tơngklàs jơi bơtiàn, tơrgùm dùl dà lơgar, sền gàr lơngăp lơngai is, gơnoar tờm mờ tơl làm kơnhoàl ù tiah, sền gàr bơta ring lơngai mờ bơtàu tơnguh dà lơgar dê in… Đảng, Dà lơgar mờ jơh gùt mpồl bơtiàn gam lơh ngan lòt jòi, rờ tơrgùm, đal git mat ală cau chơt màng neh chơt phi să tàm dà lơgar Việt Nam mờ ală cau ling lơh kơnòl broă ală lơgar dờng màng.

Ồng Tô Lâm - Tổng Bí thư, Chủ tịch lơgar sồr, Anih tờm pal pơgồp bal sùm mờ ală hìu sơnơm kâp hơđang nàng kham mìng dùl gah, tàm bơyai bè bơta kòp jê, sơm jal mhar mờ ntrờn kâp di tŭ; ờ gŏ di lời sră pơ àr lơh lơyài tus broă sơm kòp. Tài bơta mờ Đảng, Dà lơgar mờ jơh gùt mpồl bơtiàn pal lơh là bal mờ gơp tam pà bal ală kal ke gam wơl, nàng ală wa, ală bi in kis chờ hờp, kis pràn kơldang, kis ring lơngai; geh sền gàr, ròng siam mờ jơh bơta kờñ gơboh, bơta ki ngàm mờ nùs nhơm niam.