Đơs tàm dar pơrjum, ồng Tô Lâm, Tổng Bí thư, Chủ tịch lơgar đơs sùm gơnoar tờm bơh niam chài dê, đơs nền do là bơnàng jă nùs nhơm kơ̆ kơnhăp mpồl bơtiàn, là jơnau kờñ mờ bơta gơn kơnờm tàm dơlam is kwơ màng nàng bơtàu tơnguh dà lơgar kơnhăp jŏ; Sồr Mpồl sồr lơh pal pơn jat tai bơsram lơh jat jrô ơnàng làm uă ală Jơnau lơh nền bơh Đảng dê, is ồn là jơnau đơs pơndŭt bơh ƀồc ồng Nguyễn Phú Trọng, Tổng Bí thư lài do dê tàm Pơrjum Niam chài gùt lơgar nam 2021.

Ồng tơnkah broă bơt bơtàu ală bơta kwơ cau Việt Nam dê tàm rài pa pal pơgồp bal mờ sền gàr bơhiàn niam chài is jơi bơtiàn mờ iăt kơno bơta niam bơnĕ ngan jơi bơtiàn. Mơkung pal tơrgùm lơh sir broă lơh, broă dong kờl, hòi jà tơrgùm bal uă ngan rlau jơh ală bơta pràn mpồl bơtiàn nàng bơcri priă ai niam chài in, ai niam chài gơ mut jrô tàm tơl gah broă bơh rài kis dê, lơh geh bơta pràn tàm dơlam is lơh tus geh ală jơnau kờñ bơtàu tơnguh dà lơgar.