Ală cau ala măt ring bal sền broă bơ̆t bơtàu Đảng, mpồl lơh broă mờ kwang bàng tàm tơngai pa geh kwơ màng ngan gơwèt mờ bơta pràn đơng lam, bơta pràn at gơnoar mờ cồng nha lơh broă bơh mpồl lơh broă chính trị dê.

Jơnau đơs pơn dŭt dơ̆ lơh broă, Tổng Bí thư, Chủ tịch lơgar đơs nền 07 kơnòl broă tờm pal tơrgùm lơh, mờ jơnau kờñ bơ̆t bơtàu Đảng ờ mìng kloh niam, pràn kơl dang mờ gam tơl kơ̆ dơn, ngăc ngar, geh bơngă pin dờn mờ bơta pràn đơng lam dà lơgar tàm rài pa. Tàm hơ̆ uă ngan là pal tam gơl pa pràn kơl dang gùng dà broă đơng lam bơh Đảng dê, tơrmù ală bơta ờ pràn tàm bơta pràn rơndăp broă lơh tàm uă kấp, gah lơh broă bal mờ ală càr ƀòn dờng. Ală kơnòl broă pal geh pơn drờm jơh mờ cồng nha mùl màl; jào broă pơgồp bal mờ jào gơnăp gơnoar, bơta pràn bal mờ broă lơh, mờ tơnguh broă sền gròi gơnoar pràn, sền wơl kơnòl pơgồp bal mờ jờng rơ bal mờ lơh glài.