Pơrjum geh tơrbŏ mờ mờr 35 rơbô anih pờ tơlik tàm gùt lơgar. Tus mờ geh jơnau đơgn lam tàm pơrjum, ồng Tô Lâm, Tổng Bí thư, Chủ tịch lơgar đơs nền, Jơnau lơh nền tàm pơrjum sồ 10 ai tơngŏ broă tam gơl tàm bồ tơngoh bơtàu tơnguh, ờ gam bè ờs pờ mpồng wă rò priă mờ neh rơcang rơwah mờ ngui priă bơh ală lơgar nàng bơ̆t bơtàu bơta pràn tàm pơrlòng dà lơgar.

Tơnơ̆ mờ tŭ đơs loh ală bơta gam ờ pràn tàm broă hòi jà bơcri priă bơh lơgar bơdìh FDI tàm tơngai do, ồng Tô Lâm, Tổng Bí thư, Chủ tịch lơgar đơs nền, Jơnau lơh nền tàm pơrjum sồ 10 ai geh ală jơnau kờñ mờ jơnau sồr uă rơlao: bơtàu tơnguh lơh sa geh priă bơcri bơh lơgar bơdìh pal pơgồp bal mờ tơnguh uă bơta pràn lơh tờm kwơ màng, bơta pràn lơh sa, măi mok mờ bơta pràn tàm pơrlòng bơh gah lơh sa dê; lơh ngan tus nam 2030 lơgar Việt Nam gơwèt mpồl lam bồ lài mpồl ASEAN bè tiah bơcri priă kă bro, bơta pràn tàm pơrlòng, tam gơl pa bơceh lơh, bơta niam broă lơh drơng ala dà lơgar mờ bơta pràn dờp ală rơndăp broă bơcri priă lơgar bơdìh geh bơta niam uă. Ồng Tô Lâm, Tổng Bí thư, Chủ tịch lơgar đơs nền, lơh ngan bơsong broă tàm bơrlŭ bal, sră nggal uă ir. Bañ lời cau bơcri priă pal lòt gan uă mpồng, roh uă ngan tơngai mờ priă nàng lơh geh dùl rơndăp broă lơh di mờ adăt boh lam. Jơnau lơh nền tàm pơrjum sồ 10 neh ai 6 jơnau sồr lơh, 6 tam gơl dờng bè bồ tơngoh bơtàu tơnguh mờ ai jơnau kờñ tus nam 2030 hòi jà geh bơh 200 tus 300 tơmàn Dolar Mỹ priă bơcri tơn bơh lơgar bơdìh dê. Wèt tus nam 2045, lơgar Việt Nam gơs tiah tờm lơh sa, broă lơh drơng ala, tam gơl pa bơceh lơh mờ đơng lam tiah do bơh uă tập đoàn uă lơgar dê.