Do là dơ̆ sơnrờp cau lam bồ Đảng Cộng sản lơgar Việt Nam còp mùl màl lơgar Canada bơh tŭ bàr lơgar crơng gơs bơta git gơ̆p cri bơyai broă lơh bal mờ lơgar ndai tàm nam 1973. Tơnơ̆ rơlao 50 nam crơng gơs bơta git gơ̆p cri bơyai broă mờ lơgar ndai mờ mờr 10 nam lơh jăt broă lơh Tam klăc bal tơl ală bơta, lơgar Việt Nam mờ lơgar Canada neh bơ̆t bơtàu tơngu me git gơ̆p ngai sơlơ kơl jăp.

Bàr lơgar geh uă bơta pràn bơtơl ndrờm bal: lơgar Việt Nam gam mŭt tàm rài bơtàu tơnguh pa, ai bơta jăk chài măi mok, tam gơl pa bơceh lơh, tam gơl sồ mờ tơrgùm bal mờ ală lơgar jrô ơnàng; lơgar Canada gam lơh pràn uă bơta drà kă bro mờ tơnguh broă pơgồp bal tàm tiah Ấn Độ Dương – Thái Bình Dương. Dơ̆ tus còp do bơh ồng Tô Lâm, Tổng Bí thư, Chủ tịc lơgar dê rơ̆p ai geh bơta pràn chính trị, ai bơta git gơ̆p đah lơgar Việt Nam mờ lơgar Canada bơtàu tơnguh mùl màl, ndrờm bal mờ geh cồng nha rơlao, di pal mờ bơta geh, bơta pràn mờ jơnau kờñ bơh bàr lơgar dê. Mờ dơ̆ tus còp kung rơ̆p pờ geh dùl tơngai bơtàu tơnguh kwơ màng mờ tơl bơta rơlao đah bàr lơgar dê, pơgồp bal niam ai bơta ring lơngai, kơl jăp tàm tiah do mờ tàm gùt dunia.