Pơyua jơnau nting bơr gờm chờ niam bơnĕ ngan tus ală cau ala măt, ồng Tô Lâm, Tổng Bí thư, Chủ tịch lơgar tam pà, di dơ̆ tơngkah kir sơnrai 101 nam Ngai Sră ƀăo Kăc màng, bol he dùl nùs kah kơlôi mờ kah ưn ngài Chủ tịch Hồ Chí Minh, dồ nă cau lơh ƀăo jak chài ngan, cau ơn bơnàng jă ai rài sră ƀăo kăc màng Việt Nam in. Bol he kah rơngak ală rơnàng cau lơh ƀăo lòt lài, is ồn là rlau 500 nă cau lơh ƀău chơ̆t màng mờ gĭt nđờ rbô nă cau lơh ƀăo là cau ling sồt să, neh tă pơgồp dà kơlhề, phi să tài lơngăp lơngai is, khăt gơboh is Dà lơgar tờm dê, tài gơboh gơbài Làng bol dê, tài broă lơh sră ƀăc Kăc màng Việt Nam dê.

Đơs là, sră ƀăo pal lòt bal mờ ală kơnòl broă ai lài bơh dà lơgar dê tàm tơngai pa; ồng Tô Lâm, Tổng Bí thư, Chủ tịch lơgar sồr, sră ƀăo pal tus bal bơh nùs nhơm bơ̆t bơtàu: sền gŏ di broă, yal wơl di bơta geh ngan, mblàng sền di jơnau bơh tài gơbàn, tă pơgồp jơnau đơs di gùng. Tổng Bí thư, Chủ tịch lơgar dòn kơnờm mờ mpồl ală cau lơh ƀăo geh bơta kơ̆ nùs, bồ tơngoh ngăc ngar mờ jơh nùs jơh tồr, sră ƀăo kăc màng Việt Nam rơ̆p pơn  jăt tai lơh sir niam gơnoar broă là jơnau đơs Đảng dê, Dà lơgar dê mờ Làng bol dê.