Tơngai lơh broă bơh nam 2022-2026, ală kấp bộ Đoàn neh lơh pràn tam gơl pa broă lơh mblàng yal, bơto bơtê, lơh tờm tam gơl sồ, bơtàu tơnguh ală bơnàng jă bơto bơtê tàm internet. Jơh gùt Đoàn hòi jà rlau 6 tơlak 500 rơbô dơ̆ đoàn viên mờ mờr 49 tơlak dơ̆ ơruh pơnu tus bal ală broă lơh dong kờl is.

Jờng rơ ală cồng nha lơh geh, Tồng Bí thư, Chủ tịch lơgar sền bal ring bal mờ gùng dà broă lơh, jơnau kờñ mờ ală kơnòl broă lơh broă tàm tơngai pa, mơkung đơs sùm jơnau sồr pơn jat tai lơh jrô ơnàng làm uă rlau tai broă lơh bơto bơtê bồ tơngoh kăc màng, bơt bơtàu nùs nhơm kờñ gơboh dà lơgar, nùs nhơm khin cha chính trị, nùs nhơm, rài kis mờ bơta kơ̆p kờñ tă pơgồp dà kơl hề ai ơruh pơnu in. Đoàn kờñ pal sền gròi rlau tai tus broă lơh wèt tus bơto bơtê broă lơh, rài kis mờ sền gròi ơruh pơnu tàm ală tiah, mpồl cau gam uă kal ke.