Pơrjum cih dờp, jờng rơ uă ngan ală cồng nha pơn rơ ngan bơh mpồl Kwang àng Làng bol dê tàm tơngai pa do, đơs nền do là mpồl geh tă pơgồp kwơ màng tàm cồng nha bal bơh Dà lơgar dê. Tổng Bí thư, Chủ tịch lơgar đơs sùm, bơh bồ nam 2026 tus tŭ do, Anih duh broă Đơng lam Đảng Kwang àng Dà lơgar pơn jat tai lơh jat niam nùs nhơm jơh nùs dòn song mờ Đảng, tă pơgồp dà kơl hề mờ làng bol, tơnguh cồng nha tă pơgồp jơnau đơs kwơ màng mờ lam lơh geh cồng nha ală kơnòl broă tờm.

Bè broă lơh tờm 6 nhai lồi nam, ồng Tô Lâm-Tổng Bí thư, Chủ tịch lơgar đơs sùm bàr pe broă, tàm hơ̆, kràñ cê jơh nùs lam lơh sền gàr dà lơgar jat di bồ tơngoh kơlôi sơnơng, gĭt wă pa bơh Đảng dê, pờ ơnàng broă sền gàr, sơlơ tơnguh tai bơta pràn jak, gàr kơ̆ lơngăp lơngai dà lơgar tàm tơl bơta digơlan gơlik geh. Tơrgùm tă pơgồp jơnau đơs bơt bơtàu mpồl bơtiàn duh rơngòt kơrnoat boh lam, lơngăp lơngai, niam jak, bơnĕ bơnài bal, bơtàu tơnguh. Pơn jat tai đơs nền loh làng gơnoar lơh krơh lam lài lơh jat Jơnau lơh nền tàm pơrjum sồ 57 bơh Bộ Chính trị dê bè tam gơl pràn bơtàu tơnguh jak chài- măi mok, tam gơl pa bơceh lơh mờ tam gơl sồ.