Mờ tơngume: Đòm jat nùs nhơm “Cau ling Wa Hồ”, bơhiàn ờs mờng “Jơh nùs - Tam klac bal - Lơh krơh lài - Tam gơl pa”; bơt bơtàu Mpồl Cau ling yau Việt Nam sàng goh, kơ̆ kơljap pràn kơldang, lơh gơs jak kơnòl broă. Đơs sồr lơh tàm Pơrjum dờng, ồng Tô Lâm - Tổng Bí thư, Chủ tịch lơgar đơs sùm, dà lơgar he gam mut tàm rài bơtàu tơnguh pa mờ bơta kơp kờñ dờng, jơnau kờñ lơh geh uă mờ jơnau sồr jal mhar ngan; tŭ tơngai hơ̆, jơnau sồr geh ai tơlik gơ wèt mờ Mpồl Cau ling yau Việt Nam ờ mìng là lơh niam kơnòl broă ờs mờng, mờ pal tam gơl pràn tơngume, broă lơh; tơnguh bơta niam rơndap broă Mpồl dê. Bơh nùs nhơm do, ồng Tô Lâm - Tổng Bí thư, Chủ tịch lơgar sồr, Pơrjum dờng sền gròi cribơyai, ring bal lam lơh niam kơnòl broă bơt bơtàu Mpồl Cau ling yau Việt Nam kơ̆ kơljap, pràn kơldang tơl làm, ngan ngồn là mpồl chính trị - mpồl bơtiàn pin dờn ngan Đảng dê, Dà lơgar dê mờ Làng bol dê.