Tàm dơ̆ wă, ồng Tô Lâm, Tổng Bí thư, Chủ tịch lơgar yal, mờ jơnau kờñ bơtàu tơnguh tàm rài pa, tơnơ̆ Pơrjum dờng dơ̆ XIV Đảng Cộng sản Việt Nam dê neh ai lơh jat uă Jơnau lơh nền tàm pơrjum kuơmàng mờ kơp kờñ Đảng Cộng sản lơgar ală ƀang Nga mờ ală đảng tờm ndai Nga dê rơp pơn jat tai dong kờl pràn kơl dang, pơgồp bal jơh nùs mờ Đảng Cộng sản Việt Nam nàng lam bơta git gơp 2 Đảng, 2 Dà lơgar gơguh tus gơnoar broă pa, ngai sơlơ ngan ngồn mờ geh cồng nha rơlao.

Ồng Tô Lâm, Tổng Bí thư, Chủ tịch lơgar pin dờn, bơta git gơp đah 2 Đảng rơp pơn jat tai tă pơgồp uă ngan tàm bơta bơtàu tơnguh pràn kơldang, kơ̆ kơljap jŏ jòng sùm 2 lơgar dê mờ broă gàr kơ̆ srơh cộng sản mờ cau lơh phan ală lơgar, mờ kung pơgồp bơnah kuơmàng tàm ring lơngai, kơ̆ kơljap, bơtàu tơnguh kơnhăp jŏ tiah do mờ dunia dê.