Drim òr (07/09), tàm lơgar Hàn Quốc, ồng Cho Jeong Sik, Chủ tịch Quốc hội lơgar Hàn Quốc đơng lam dơ̆ wă rò yŭ rơyùm ồng Trần Thanh Mẫn, Chủ tịch Quốc hội mờ Mpồl kwang bàng kấp dờng Việt Nam. Tơnơ̆ dơ̆ wă, 2 Chủ tịch Quốc hội bơyai lơh dơ̆ tìp mat cribơyai. Bàr gah cribơyai jrô ơnàng bè bơta tơl lơgar mờ broă lơh sơlơ tơnguh tai gĭt gơ̆p 2 gah.

Bàr lơgar ring bal gàr niam sùm cribơyai broă lơh kwơ màng kấp dờng; lam lơh sền sơ nơng lơh bal lơh sa tàm tơngai pa; pơnđơl pràn lơh ngan ai priă lơh geh bơh kă bro phan đah 2 gah dê lơh geh 100 tơmàn dolar Mỹ tàm nam 2026 mờ wèt tus 150 tơmàn dolar Mỹ tàm nam 2030. Hàn Quốc pơn jat tai ai lài ODA ờ tơm wơl mờ dong kờl ai Việt Nam in; sơlơ tơnguh tai lơh broă bal jak chài, măi mok mờ lơh geh ală bơta nàng mpồl lơh sa kă bro 2 lơgar in bơcri priă kơ̆ kơl jăp, jŏ jòng. Bàr gah kung ring bal pờ ơnàng lơh broă bal bơto bơtê cau lơh broă, niam chài, lòt nhơl mờ tìp mat lơh kwèng làng bol; sền gròi sền gàr gơnoar kwơ di pal bơh mpồl bơtiàn cau Việt Nam tàm lơgar Hàn Quốc mờ cau Hàn Quốc tàm lơgar Việt Nam, tàm hơ̆ geh pơgăp 100 rơbô hìu bơnhă Việt Nam- Hàn Quốc.