Drim ngai 28/04, tàm ƀòn dờng Dà Làc, Mpồl rơndăp broă Dà lơgar bơyai lơh pơrjum yal jơnau lơh nền bơh Ƀộ Cíñ trị dê bè broă lơh kwang bàng. Tàm pơrjum, ồng Đỗ Trọng Hưng, Phó Lam bồ Mpồl rơndăp broă Dà lơgar, yal jơnau lơh nền sồr ồng Y Thanh Hà Niê K’đăm tus bal Mpồl Duh broă, Mpồl Lơh kơnòl broă sùm mờ at gơnoar broă Ƀí thủ Tỉñ ủy càr Lâm Đồng tơngai lơh broă bơh nam 2020-2025.

Ồng Y Thanh Hà Niê K'đăm, kòn cau Rơđê, ƀòn tờm Dăk Lăk, tŭ do là KWwang bàng Đảng Dà lơgar, Củ tịc Mpồl duh broă Jơi bơtiàn bơh Quôk hội khoă 15 dê. Kung tàm pơrjum, ồng Lê Minh Hưng yal jơnau lơh nền ntrờn ồng Nguyễn Thái Học, Atbồ ing Ƀí thư Tỉñ ủy càr Lâm Đồng, at gơnoar broă Phó Ƀí thư Đảng ủy Mặt trận Dà lơgar Việt Nam mờ ală mpồl cau Dà lơgar tơngai lơh broă bơh nam  2020-2025.