Tàm dơ̆ wă, Chủ tịch Quốc hội jờng rơ ngan gơnoar broă, bơngă lơgar Đức dê tàm Mpồl Tam klăc châu Âu (EU) mờ tàm muh măt ală lơgar, kung bè bơta kờñ bal bơh lơgar Đức dê gơ wèt mờ nùs nhơm uă gah, kă bro phan khăt gơboh is mờ broă lơh jăt adăt boh lam ală lơgar, tàm hơ̆ geh Sơnoa boh lam Liên hợp quốc dê mờ Jơnau kơ̆p kờñ Liên hợp quốc dê bè Adăt Dà lềng nam 1982 (UNCLOS 1982).

Bàr đah pin dờn là, mờ jơh nùs lơh ngan chính trị mờ lơh ngan bal bơh đơng lam bàr lơgar dê, gĭt gơ̆p Tam klăc lơh broă bal jŏ jòng Việt Nam mờ Đức kung bè lơh broă bal đah Quốc hội bàr lơgar rơ̆p pơn jăt tai bơtàu tơngguh tơl làm, jrô ơnàng làm uă mờ ngan ngồn rlau tai, tài bơta kwơ bơh làng bol bàr lơgar dê, mơkung tă pơgồp uă ngan ai ring lơngai, lơh broă bal mờ bơtàu tơngguh tàm kơnhoàl ù tiah do mờ tàm dunia.