Tềng đăp rùp Wa Hồ mờ ală jơi bơtiàn Tây Nguyên tàm Ƀlàng dờng Đại Đoàn Kết, Phó Củ tịc lơgar mò Võ Thị Ánh Xuân bal mờ mpồl lơh broă neh jơh nùs pơdơng bơkào, lời dồ phuk kun bồ nàng kah kơlôi mờ tơngŏ nùs nhơm gĭt ưn ngài uă ngan gơwèt mờ Củ tịc Hồ Chí Minh- kwang đơng lam bồ jak chài ngan bơh Đảng he dê, Cau khin cha jak chài tơngklàs jơi bơtiàn, Cau ling Kộng sản Ală lơgar lam lài.

Mpồl lơh broă neh chu ñàng tàm tiah duh khoai Wa Hồ tàm suơn bơkào ƀlàng dờng. Tàm nùs nhơm gĭt ưn ngài uă mờ jơh nùs ki ngàm tàm Ƀlàng tơ̆p ƀồc Cau ling chơ̆t màng càr Gia Lai, Phó Củ tịc lơgar mò Võ Thị Ánh Xuân bal mờ mpồl lơh broă neh lời dồ phuk kun bồ, tơngŏ nùs nhơm gĭt ưn ngài, kah kơlôi tus dà kơl hề dờng màng bơh ală Cau ling khin cha jak chài, cau ling chơ̆t màng dê.