Đơs uă tus mờ gơnoar bơh cau ngăc ngar kơnòm să dê tàm “bơsong jơnau bơtàu tơnguh dà lơgar”, Phó Củ tịc lơgar sồr ală cau ngăc ngar kơnòm să, ală cau lơh broă tờm dà lơgar dê, pơn jăt tai tơnguh nùs nhơm pơnyờ să jơi bơtiàn, nùs nhơm kờñ gơboh dà lơgar, ai gŏ broă lơh, kơnòl bal mờ pơnyờ să bơh să tờm dê nàng tus bal bơ̆t bơtàu dà lơgar tàm bơta pa, mŭt tàm rài pa.

Ală cau ngăc ngar kơnòm să pal git bơta gơrềng bal bơh rài pa dê, mhar bè cíñ trị tàm lơgar mờ ală lơgar; ai geh jơnau kờñ, nùs nhơm kơ̆p kờñ să tờm, pơgồp bal mờ ală broă kơlôi sơnơng mờ rài kis nàng pơgồp bal mùl màl geh cồng nha. Phó Củ tịc lơgar sồr Đoàn ơruh pơnu Dà lơgar pơn jăt tai lơh sùm, bơtàu tơnguh Pơrjum cri bơyai bè dùl bơta tờm tơrbŏ bal ngăc ngar kơnòm să, ai geh anih tìp bal, tam pà bal, lơh geh uă nùs nhơm bơceh lơh, ai lơh bơtàu tơnguh dà lơgar in.